ZomiDaily :: Tuni denmahmah in BBC te genkhiatna ah Al-Qaeda aphuankhiapa leh amakaipipa Osama Bin Laden pen US galkapte'n Pakistan ah thaklumkhinzo cih President Obama tangkokhia cihi. Islamabad pualamah US Intelligence te'n Ground Operation abawlna panun Osma Bin Laden athakzo uh ahihi. President Obama in US Forces te khutsungah Bin Laden luangpen omhi cihi. Thau kikapna hangin US Forces te aliam abai omlo cihzong genkhia hi.

Osama Bin Laden pen ihzakzaksa mahbangin ngongtatna tampi abawlkhiapa hi a, adiakdiakin New York leh Washington ah September 11, 2001 in asuksiat nate hangin US kumpi-in abetbet khat ahihi. US gam ii amatnoppen khat "most wanted" zong ahihi. President Obama zong lungkim mahmah a, Bin Laden amatzawh uhpen US gam ii gualzawhna lianpikhat hi cihi.

Ahih hangin Al-Qaeda ngongtat pawlkhatte'n Bin Laden akithahna hangin American te tungah aphu alakkikding lauthawng ahih manin, leitung mungkhempeuh aom US Embassy teng khempeuhah kidopdingthu zasak uhhi. Washington DC aom White House pualam ah mipi-in "USA, USA" ci-in gualzawhnatawh awngziahziah uhhi. President Obama in a tangkona zong hihhttp://www.zomidaily.com/video/viewvideo/410/english/president-obama-on-death-of-osama-bin-laden.html pan ki enthei hi. Direct Copy from Zomi Daily