BAPTIST LEH CATHOLIC TE KIHONA NEI UH
AnonymousBaptist le Catholic-te Kihona Nei Atawpna
Tuiphum le Catholic (Baptist World Alliance (BWA) le the Pontifical Council for Promoting Christian Unity of the Roman Catholic Church) te kikal Pasian thu tawh kisai holimna aban 2 na ii atawpna kihonate 12-18 December 2010 sungin, Oxford, England, ah kinei ding hi.
Hih bang holimnate pen 2006 kum aa kipan hi-a thulupi dingin ‘Pawlpi Nuntakna sungah Pasian Kammal: Lai Siangtho, Ngeina le Koinonia (The Word of God in the Life of the Church: Scripture, Tradition and Koinonia)’ kizangh hi. Hih banga leitung bup kam kihonate ii ngimna ahih leh khat le khat kitelsiamna, kipaaktatna, le Christian na hoih sepnate khat le khat tungah akhan semsem nading ahi hi. Bekthamlo nuzui siam suah semsem nading, Zeisu Khazih i muh dan akibat semsem nading le thumaanna, daihna le sianthonate akihel gamtat siamna vaite ah khanlawh nang tawsawn semsem zawh nading ngimna pi zong ahi hi.
Ahuampi-a ngimnate ahih leh Lai Siangtho hilhnate, nungzuite upna le tapidaw nun ziate ah Tuiphum le Catholic-te kikal ah akibang theute kankhiat zawh nading hi-a tua ciangin Christian pawlpi 2 kikal ah ong khen den thubuaina munte pulak zawh nading zong kihanciam hi. 2006 kum in Birmingham, Albama, US, aa akibawl holimnate ah ‘Tapidaw Lai Siantho le Ngeinate Thuneihna’ cih thulu, 2007 kum, Rome, Italy, aah ‘Tuiphumna le Topa Nitak Annekna Nunung’ cih thulu ahizong, 2008, Durhuam, NC, US, ah ‘Pawlpi Nekkhawm sunga Mazih’ ahizong, 2009, Rome, ah ‘Pawlpi Nasepnate ii Thuzeek theihna le Ukzawhna’ cih bangin thulu tuamtuam kikum toto ahi hi.
Oxford University ii athuneipen kipawlnate ahi Regent’s Park College (Tuiphum) le St Benet’s Hall (Benedictine, RC) tegel ii inntekna ahi hih 2010 khawmpi ah abeisa kihona khempeuhte thupuakkik theih nading masuanpi in kinei ding hi. BWA le Vatican-te kikal kihona bante pen 1984 le 1988 kikal ah kipan ngeiin tua tungtawnin 1990 kum in ‘Tuni Leitung ah Zeisu Muh nading Sapnate’ cih laibu kisuah thei ahi hi.
BWA lampan amakai dingin Paul Fiddes, professor of Systematic Theology in the University of Oxford hi-a amah pen BWI ii Commission on Doctrine and Interchurch Cooperation lutang sem ngei hi. Catholic lam pan makai dingin Arthur Serratelli hi-a amah pen New Jersey, US, aa bishop khat ahi hi.
2006 akipan akihel totote pen Tuiphum lampan Ghana gam pan Fred Degbee, US pan Timothy George, Steven Harmon le Nora Lozano, Argentina gam pan Tomas Mackey, UK pan Tony Peck le Polan pan Tedeusz Zielinski-te ahi hi. 2009 kum aa ong nusiakhin Singapore pan Lillian Lim pen zong BWA lampan khantawn pawllut khat ahi hi. Ong lut thakte pen US gam pan Elizabeth Newman le Curtis Freeman le Taiwan pan Rachael Tan-te ahi uhi. Lengla dingin tampi mah kisam-a BWA zum pan akihel thei ding panmunlente in Neville Callam, GS, GS lui Denton Lotz, Fausto Vasconcelos, Director of Mission, Evangelism and Theological Reflection te ahi uhi.
Direct copy from - Tonsan
.jpg)
0 comments: