Zomi Re-Unification Organisation (ZRO) Headquarters in General Assembly pen October 4- 6, 2010 sung nuam tak nei uh cih kiza hi. Tua khawmpi sungah kum 5 Term khat akinei zel ahi ZRO Presidential Election zong nei uh a, abeisa ciangciang President panmun mah a len den ahi Pu Thang Lian Pau @ Sia Pau mah President ding in kituaktak in teel cing kik cih kiza hi. Sia Pau ahih leh ZRO President ahih banah Centre Government tawh Suspension of Operation (SoO) anei nam galkap kipawlna tuamtuamte’ kigawmna United People’s Front (UPF) zongah Chairman panmun len laitak ahi hi.
Tua banah thudang khat akizakna danin, Zomi Council Hqtrs. inntekna in Songtal khua (Thanlon Sub-Division) ah October 6,2010 nitak akipan Zomi sung a Civil Society tuamtuam te’n General Assembly and Conference nei uh a, October 9,2010 ni-in picingtak zo thei cih thu kiza hi. Tuni October 7,2010 (11:00AM) hunin ZRO Advisor Pu Khai Za Song Guite @ K.Guite in Zogam Artists Association (ZAA) te’ lasak Album bawl thak ladawng 12 a om "Tunnu Zogam " Volume – IV’ Music Video hon khiatna nei a, Rev.Dr. Luai Chin Thang in Pasian tungah apna nei cih zong kiza hi. Hih Music video kibawlthak Zomi a kua maciat in thapiak ding ZAA in ngetna nei uh hi.
Source by - Manipur Express
Direct Copy From - Tongsan
.jpg)
0 comments: